فضيحة خالد عبدالرحمن والكذبة المشهوره

[شخص عادي]

السلام عليكم ورحمة الله وبركاته
صبحكم الله بالخير او مساكم الله بالخير كلهن
المهم هذا الموضوع حاب اكتبه لان لقيت ناس ما ادري الصراحه على بالهم يضحكون على الناس او يستخفون فيهم


لقيت موضوع فضيحة الفنان خالد عبدالرحمن واستغربت انا منها

فرحت (من حبي للاستطلاع رحت اناظر وش هي الفضيحه)

لقيت خالد مع احلام لقيت انا وش فيه بس ركزت في الصوره لقيت ان الصوره تركيبه (الله يستر عليك يا ورد الورد فضحتك bn32 bn32 )

المهم ودعيت ناس يعني لهم خبره في الفوتوشب ولهم سنين فاكدوا لي ان الصووره مركبه والغمزة العين سهله طريقتها (ورد الورد ما دريت انك خبير في الفوتوشب)

المهم وبعدين حاب تركزون على الصور تظروا بشرة خالد في وجهه غير بشرته في يديه مدري خالد له لونين ابيض واسود

وبعد حاب تركزون الوجه خالد والجسم ما هو ملائم للبعض

وبعدين وش سالفة التجنيس مدري هم حاضرين تجنيس خالد طيب ياخي جواد العلي متجنس ومسوي حركات بنات وش فيها ما قمتوا عليها حتى تنكر للجنسيته الاولى انا مو فلسطيني


يا ربي
بس يا اخواني الاعزاء اذا كان عندكم دليل قاطع ان خالد متجنس واسمه خالد عبدالرحمن ادم عطونا اياه

يا شين الواحد يتكلم بدون دليل

الدنيا الحين ما تمشي الا بدليل معك دليل يا هلا والله
اما تجيب كلام وهرج زايد الله يعينك من تعب لسانك




يا سلام على هالكذبه يا ورد

ما دريت انك فنان
ممكن خدمه ابي تسوي لي توقيع معرف انا بالفوتوشب

المهم طولت عليكم انا


تقبلوا تحياتي اخوكي/شخص عادي

[حامد المالكي]

بصراحه أنت أعطيت هالرجال أكبر من حقه ورحت تبحث ومدري أيش يا خي هذا كلام والله ما يصير حبيت أسألك هل هذا الشخص بالله عليك أجيبني بكل صراحه هل هذا الشخص قدم أي خدمه للدين سؤال واحد فقط وأتحداك تجيب عليه لكن أسأل الله لك الهدايه والتوفيق

[موضي علف]

صح كلامك والله اخوي حامد



ومشكور اخوي على المجهود اللي تعبت نفسك وسويته








*$* موضي علف *$*

[الساهيه***]

مشكور اخوي وجزاااااااااااااااااااااااااك الله الف خير
وفي الاخير ما يصح الا الصحيح
مع خالص حبي واحترااامي اختكم الساااهيه

[ليل التجافي]

اول شيء خالد ماراح تلاقون مثله صح انه ماقدم شيء لدين

لاكن مسلم ينق الشهادتين واتحداء اي فنان يغني في المطاوعه

ورجال الهيئه مثل ماغناء خالد عبدالرحمن فيهم وبدون موسيقى

وعلى فكره خالد عبدالرحمن تربطه علاقه قويه بي الشيخ العريفي وتقدرون تسألون الشيخ العريفي

وهو احد الدعاة السعوديين

يعني لا تحاولون تشووهون سمعت ابو نايف بأي طريقه لأنه مافيه اي شيء يثبت انه انسان مو صالح

واذا عندك شيء انت وياه جيبو اثبات انه فاسق

اخوي حامد صحيح انه ماقدم شيء لدين

لاكن يعتبر انسان مسلم يصلي ويصوم زيك

اخوي حامد انت تعلم الغيب يوم تقول انه ماقدم شيء لدين

ممكن انه قدم شيء لدين لاكن بسر

ولا تحط في ذمتك زي الكلام هذا

ابو نايف وبس

خالد عبدالرحمن سفير الأغنيه الخليجيه

تقبلو تحياتي

واتمناء مايزيد الموضوع من ردود

لأن راح يكون هناك مشاكل بسبب هذا الموضوع

ويعطيك الف عافيه اخوي انسان عادي

اخوي لا تهتم في الصوره هذولي ناس حاقدين على الفنان خالد

لأنه افضل فنان خليجي

يكفي انه شاعر وملحن وفنان

وله جمهور مو واحد ولا اثنين هم اللي يقيمونه

لا يهمك كل الكلام هذا

يقول الحقران يقطع المصران

تقبل تحياتي

[إعصــار الرياض]

يعطيكم الف عافيه اخواني



وأنا بصراحه أرفع صوتي مع صوت ليل التجافي وأقول خالد عبدالرحمن انسان اقل من عااااااادي انسان مسلم ويصلى ويصوم مثلي مثلك ولا تحكم على الاشخاص بالفسق ترى والله مو سهله انك تحكم على واحد بالعصيان ....................



الله يوفقنا الى ما يحب ويرضي

[دلال الدلوعه]

سلام والله انكم مكبرين السالفه مالها داعي هما زي ما شافو حطو ممكن مو قصد ما يدروا بس تحبوا تكبروا السالفه ما يصير والله محد عالم الغيب الا الله سبحانه وتعاله
وشكراا لا تزعلوا منبي
دلال الدلوعه

[ابوفيصل651]

مشكووووووووووور ......ابونايف مو حق هاذي الاشياء

[المشتقي]

يسلموا هالأنامـل اخوي :: ليل التجافي ::


اخ حامد حنَـا نتكلم عن خالد عبدالرحمن مب عن شـــارووووون ,,!!


وانت عالم الغيب ..؟


_ مسلم يآخـي بس انه عاصـي _


ممكن انك تسوي اشياء افنـع منه !!!


ادع له بالهـــدايه ..

ومشكور اخوي :: شخص عادي ::


" الله يهدي الجميــع "
،،،،،،،،،،،،،،،،،،،،،،،

[luby]

والله أتفه من هالمطرب أنا ما شفت الصراحة ...

تافه وسخيف لأبعد الحدود....


مش بس هو وكمان كل مطربين العالم مثله قمة في السخافة و التفاهة....

[ali7337]

أنا ما أسمح لاي واحد يغلط على الفنان خالد عبدالرحمن .

وهذي سيرته .bn37 bn37
اسم الفنان خالد هو / خالد بن عبدالرحمن آدم (وقام بتغيير عائلته إلى الدوسري هو و عائلته)
مكان الميلاد / الدلم (جنوب الرياض بحوالي 100 كلم )
جنسيته / سعودي الأصل و المنشأ :p :p

[أبو خرشان]

خالد أشرف من إلي كتب عنة هذا الكلامbn36

[سفن اب]

حمى الوطيس













:)

[alomari08]

وما زال النقاش مستمراً ...
اتمنى انه ما يتجاوز النقاش فقط ..
هههههههههههههههههه
يا شباب الله يعطيكم العافيه
انا من المعجبين جدا بخالد بس يا حبايب هو فنان وله معجبين وله حساد
يعني الكلام هذا كله ما له داعي اما انه قدم شي للدين ولا ما قدم هذا شي راجعله ..
اتمنى ان الموضوع ما يأخذ اكثر من حقه ويسير فيها زعل وسب للاخرين
تقبلوا الانتقاد بصدر رحب وردو بكلام لبـق ما يشوه سمعة الساهر والاعضاء الي فيه
الله يوفقكم يا حبايب ولا يجيب الزعل

حظ عيني لو تشوفك كل يوم << فاصل << هههههههه بس حبيت اغير الجو شوي
اخوي انسان عادي مشكور جدا